აჭარის ტელევიზიის არცერთ თანამშრომელს კორონავირუსი არ დაუდასტურდა.როგორც ცნობილია, აჭარის ტელევიზიის კადრების თანამშრომელს კოვიდ-19 ორი დღის წინ დაუდგინდა, რის გამოც მაუწყებელმა გუშინ მუშაობა შეწყვიტა. აჭარის ტელევიზიაში სადეზინფექციო სამუშაოები ჩატარდა. ეპიდემიოლოგიური სამუშაოების გამო, ტელევიზიას მაუწყებლობა შეწყვეტილი ჰქონდა და აჭარის საზოგადოებრივი მაუწყებლის ეთერით საქართველოს პირველი არხის ტრანსლირება ხდებოდა.