ოკუპანტებმა დღეს ოკუპირებულ ტერიტორიაზე ჩარჩენილი ქართველი სტუდენტების ნაწილი საქართველოს კონტროლირებად ტერიტორიაზე გადმოუშვეს.
ენგურის ხიდზე გადმოსვლის საშუალება სტუდენტებს მხოლოდ სპეციალური საშვების გაცემის შემდეგ მიეცათ.
50-მდე სტუდენტი, რომელთაც ენგურის ხიდიდან გადმოსვლის ნებართვა მიეცათ, განმუხურში მდებარე საკარანტინე სივრცეში გადაიყვანეს.
სტუდენტების მშობლები, 10 დღის განმავლობაში სთხოვდნენ აფხაზურ მხარეს, მათი შვილები საქართველოს ტერიტორიაზე გადმოეშვათ. “ფეესბემ” მხოლოდ მას შემდეგ მიიღო საშვების გაცემის გადაწყვეტილება, რაც სტუდენტების მშობლებმა საპროტესტო აქციები დააანონსეს. მანამდე მათ სთავაზობდნენ, სტუდენტებს აფხზეთის სახელმწიფო უნივერსიტეტში გაეგრძელებინათ სწავლა.
აღსანიშნავია, რომ საშვები მხოლოდ სტუდენტებზე გაიცა. სწავლის პერიოდში ისინი ბინებს ქირაობენ, თუმცა მშობლებს არ მიეცათ საშუალება, საკუთარ შვილებს გადმოყოლოდნენ და საცხოვრებელი პირობების მოწყობაში დახმარებოდნენ.