“ნაცმოძრაობა და პატრიოტთა ალიანსი არის ერთი ბნელი მედლის ორი მხარე. ისინი ერთად აკეთებდნენ წლების განმავლობაში რუსულ საქმეს საქართველოში და ეს არის მათთვის საერთო, სწორედ ეს აერთიანებთ მათ და სწორედ ამის გამო სხედან ისინი საერთო მაგიდასთან, ვგულისხმობ ნაცმოძრაობას, მის სატელიტებს, პატრიოტთა ალიანსს და ბურჯანაძეს. ისინი არიან გაერთიანებულები რუსული საქმის გარშემო

,,პატრიოტთა ალიანსმა ოპოზიციურ პარტიებთან ერთად მოლაპარაკებებში მონაწილეობის მიღებაზე უარი თქვა]”-ამბობს ქართული ოცნების გენერალური მდივანი, ირაკლი კობახიძე. ირაკლი კობახიძე იტყუება – პატრიოტთა ალიანსი ოპოზიციური პარტიების მოლაპარაკებებში მონაწილეობას არ იღებდა.

ქართული ოცნების ოფისში ბრიფინგის დროს ირაკლი კობახიძემ განაცხადა აგრეთვე , რომ პარტია თეორიულადაც გამორიცხავს პატრიოტთა ალიანსთან კოალიციის შექმნას

მისი განცახდებით, პარტია ასევე გამორიცხავს ნებისმიერ კოალიციას, როგორც ნაციონალურ მოძრაობასათან, ასევე “მის სატელიტებთან” — ევროპულ საქართველოსთან, გირჩთან თუ ლეიბორისტულ პარტიასთან. ირაკლი კობახიძე ირწმუნება, რომ ქართულ ოცნებას კოალიციის შექმნა არ დასჭირდება.

“ჩვენ ვართ დარწმუნებული, რომ საზოგადოების მხარდაჭერის საფუძველზე ჩვენ ავიღებთ 50 პროცენტზე ბევრად მეტს და შესაბამისად, ჩამოვაყალიბებთ სტაბილიურ საპარლამენტო უმრავლესობას”, — აცხადებს კობახიძე.