“პატრიოტთა ალიანსის”ბანერზე აჭარა ოკუპირებულ რეგიონებთან გაიგივებული, რამაც საზოგადოების გაღიზიანება გამოიწვია.რატომ არის “პატრიოტთა ალიანსის” ბანერზე აჭარა ოკუპირებულ რეგიონებთან გაიგივებული, რას ნიშნავს მათი რუსული რიტორიკა, ვიზიტები ოკუპირებულ აფხაზეთში და პუტინის პოლიტიკის ღიად პროპაგანდა. ოპოზიციაში თვლიან, რომ პატრიოტთა ალიანსი მიზანმიმართულად ცდილობს ქვეყანაში პრორუსული იდეების გატარებას, მათი ქმედებები ანტისახელმწიფოებრივია და ქვეყნის ტერიტორიულ მთლიანობას ეწინააღმდეგება. ოპოზიციური პარტიები პრორუსული პარტიის საარჩევნო პროცესიდან ჩამოშორებას მოითხოვენ. ამის შესახებ სტარტეგია აღმაშნებლის პარტიის ლიდერებმა ზუგდიდში გამართულ შეხვედრაზე განაცხადეს.
“პატრიოტთა ალიანსი” რომ რუსეთიდანაა მართული და საქართველოში პუტინის იდეოლოგიის გამტარებელია, ამაზე თანხმდებიან ანალიტიკოსები და არასამთავრობო სექტორის წარმომადგენლები. მიაჩნიათ, რომ პრორუსული პარტიის მოღალატეობრივი ქმედებები აუცილებლად უნდა იყოს გამოძიებული და პროკურატურა ალიანსის დაფინანსების წყაროებითაც უნდა დაინტერესდეს. ექსპერტებისა და პოლიტიკოსების მოსაზრებით, საკმარისი მიზეზია იმისათვის, რომ პარტია არა მხოლოდ საარჩევნო რეგისტრაციიდან მოიხსნას, არამედ მისი პოლიტიკური პასუხიმგებლობის საკითხიც დადგეს.