ზუგდიდში საინიციატივო ჯგუფის ორგანიზებით ბოტანიკურ ბაღში, ღია ცის ქვეშ, საქველმოქმედო ღონისძიება გაიმართა. კონცერტის დაწყებამდე გაიხსნა გამოფენა-გაყიდვის პავილიონი, სადაც ხელთნაკეთი ნივთები განთავსდა. საქველმოქმედო საღამოზე მონაწილეობდენ ადგილობრივი მუსიკალური შემსრულებლები და ქორეოგრაფიული ანსამბლები, ასევე პოეტები, მათ შორის, თემურ ელიავა. “იმედის სივრცე- იზრუნე თანატოლზე”- კორცხელის საჯარო სკოლის მოსწავლის ნანა თოლორაიას იდეაა, რომელმაც ადგილობრივი მუნიციპალიტეტის მხარდაჭერით შეძლო იდეისთვის ხორცშესხმა.
ახალგაზრდებს სჯერათ, რომ სიკეთ გადამდებია და ყველამ ერთმანეთზე უნდა იზრუნოს.
შემოსული თანხა მთლიანად მოხმარდება სოფელ კოკში მცხოვრებ 7 სულიან სოციალურად დაუცველ ოჯახს.