„ევროპული საქართველოს“ ერთ-ერთი ლიდერი გიგი უგულავა ისანში მაჟორიტარი დეპუტატობის კანდიდატად ხატია დეკანოიძის წარდგენას გამოეხმაურა და ამ გადაწყვეტილებას სამწუხარო უწოდა.

„მეგობრებო „ნაცმოძრაობიდან“, ძალა ერთობაშია თუ გადაღუნვაში? სამწუხაროა, ძალიან სამწუხარო“, – დაწერა გიგი უგულავამ ფეისბუქის გვერდზე.

გიგი უგულავას განცხადება ბოლომდე ეთიკური არ იყო, ამის შესახებ „ნაციონალური მოძრაობის“ კანდიდატმა ისნის საარჩევნო ოლქში ხატია დეკანოიძემ ჟურნალისტებთან საუბრისას განაცხადა.

„გასაგებია მათი მწვავე რეაქცია, არ გამკვირვებია. გიგი უგულავას განცხადება, . ჩემთვის ახლა ეს არაფერს არ ნიშნავს. მე პოლიტიკური სენტიმენტები რომელიმე პოლიტიკოსის მიმართ არ გამაჩნია. ერთადერთი სენტიმენტი, რაც გამაჩნია, ეს არის სამშობლო და ის პირობა, რომელიც დავდე ამომრჩეველთან. ვინ დაარღვია პირობა ამაზე გადაწყვეტილებას ამომრჩეველი 2020 წლის საპარლამენტო არჩევნებში მიიღებს“

რაც შეეხება „ევროპული საქართველოს” და  გიორგი ვაშაძის პარტიას, დარწმუნებული ვარ, ეს დროებითი კავშირია და რაღაცა პერიოდის განმავლობაში შეიძლება გადაიხედოს,” – განაცხადა დეკანოიძემ.

შეგახსენებთ, ისანში ოპოზიციური პარტიების ერთიანი მაჟორიტარი კანდიდატი  გიორგი ვაშაძეა, თუმცა „ნაციონალური მოძრაობა“ აღნიშნულ ოლქში საკუთარი კანდიდატის წარდგენის შესახებ მას შემდეგ ალაპარაკდა, რაც ვაშაძემ ოპოზიციური გაერთიანება „ძალა ერთობაშია“ დატოვა. გუშინ პარტიამ ისანში მაჟორიტარობის კანდიდატად ხატია დეკანოიძე დაასახელა.