პირველი საუნივერსიტეტო კლინიკის დირექტორის, ლევან რატიანის ინფორმაციით, შატილის გზაზე დაშავებული 3 პაციენტის ჯანმრთელობის ზოგადი მდგომარეობა სტაბილური რჩება.
პირველი საუნივერსიტეტო კლინიკის დირექტორის, ლევან რატიანის ინფორმაციით,”ჩატარდა ყველა საჭირო კვლევა და გამოკვლევა. კლინიკურად, სამივესთან იდენტური დიაგნოზი დაისვა – ეს არის პოლიტრავმის შედეგად განვითარებულ ტრავმულ-გემორაგიული შოკი, ძილიანობა, სუნთქვის უკმარისობა და ა.შ. ორ პაციენტთან ინტერვენციული ოპერაცია ჩატარდა – ლიკვიდირებულ იქნა პოლიტრავმის შედეგად გამოწვეული ტრავმული დაზიანება.
ამ ეტაპზე, მინდა გითხრათ, რომ პაციენტების ზოგადი მდგომარეობა სტაბილური რჩება. ნევროლოგიური სტატუსის მხრივ, პაციენტებთან დადებითი დინამიკა გვაქვს მიღწეული. ჩატარებული კლინიკურ-ლაბორატორიული კვლევების შედეგად, ამ ეტაპამდე არცერთთან არ ვლინდება უარყოფითი დინამიკა. ვიმედოვნებ და ყველაფერს ვაკეთებთ იმისთვის, რომ ამ რთულ გზაზე, რაც გამოჯანმრთელებამდე უნდა გაიარონ, არავითარი პრობლემა არ შეექმნათ”, – ამბობს ლევან რატიანი.