გლდანში, ახალრეაბილიტირებული ხიზანიშვილის ქუჩა ჩაინგრა. კახა კალაძე ამტკიცებს, რომ ეს უხვი ნალექის გამო მოხდა

ცნობილია, რომ , ხიზანიშვილისა და ვეკუას ქუჩების სრული რეაბილიტაცია ახლახან დასრულდა.

თბილისის მერმა შესრულებულ სამუშაოებსა და საპროექტო დოკუმენტაციაზე მოკვლევის დაწყება შიდა აუდიტის სამსახურს დაავალა, მას კითხვები იმასთან დაკავშირებით, მიმდინარეობდა თუ არა სამუშაოები დაექსპერტებული პროექტის მიხედვით და რამდენად ხარისხიანად ხდებოდა ეს.

თბილისის მერის მოადგილე ირაკლი ბენდელიანი განმარტავს, რომ სამუშაოები მიმდინარეობდა პროექტის მიხედვით. თუმცა, უნდა აღინიშნოს, რომ რამდენიმე დღის წინ მოსულმა უხვმა ნალექმა დედაქალაქის მასშტაბით შექმნა რამდენიმე რაიონში პრობლემა – მათ შორის იყო ხიზანიშვილის ქუჩა. კერძოდ, უხვი ნალექის შედეგად სანიაღვრე ქსელების გადავსება მოხდა, რაც, პირველადი მონაცემებით, ამ დაზიანების გამომწვევი მიზეზია.” –თქვა ირაკლი ბენდელიანმა. 

მისივე თქმით, მსგავსი სახის პრობლემა რამდენიმე ლოკაციაზეა და “საჭიროების შემთხვევაში, იქაც შეიძლება მოგვიწიოს ლოკალური ჩარევა.”