ზუგდიდში საინიციატივო ჯგუფის ორგანიზებით 25 აგვისტოს დაგეგმილი ღონისძიება ერთი დღით გადაიდო და 26 აგვისტოს გაიმართბა, გადაწყვეტილება ჯგუფმა საქართველოში შატილის ტრაგედიის გამო მიიღო, რადგან ქვეყანაში 25 აგვისტო გლოვის დღედ გამოცხადდა. ბოტანიკური ბაღის ტერიტორიაზე საქველმოქმედო საღამო “იმედის სივრცე- იზრუნე თანატოლზე” გაიმართება. კონცერტის დაწყებამდე გაიხსნება გამოფენა-გაყიდვის პავილიონი, სადაც ხელთნაკეთი ნივთები განთავსდება. საქველმოქმედო საღამოზე მონაწილეობენ ადგილობრივი მუსიკალური შემსრულებლები და ქორეოგრაფიული ანსამბლები, ასევე პოეტები, მათ შორის, თემურ ელიავა. შემოსული თანხა მთლიანად მოხმარდება სოფელ კოკში მცხოვრებ 7 სულიან სოციალურად დაუცველ ოჯახს.
დასაწყისი 17:00 საათზე