ბერტა ფონ ზუტნერის მშვიდობის პრემია 2020-ის გამარჯვებული ჰუმანიტარული საქმიანობისთვის იულია ხარაშვილი გახდა, დევნილ ქალთა ასოციაცია “თანხმობის” თავმჯდომარე.
სულ პრემიაზე წელს 6 ნომინანტი იყო წარდგენილი.
იულია ხარაშვილი, დევნილ ქალთა ასოციაცია “თანხმობის” თავმჯდომარე. წარმდგენი: მარინა ფოჩხუა.
ციცინო ელიკაშვილი, გორის რაიონის სოფელ ზარდიანთკარში მცხოვრები კონფლიქტით დაზარალებული. წარმდგენი: რუსუდან კილაძე.
პაატა ზაქარეიშვილი, კონფლიქტოლოგი, ექსპერტი, შერიგებისა და სამოქალაქო თანასწორობის საკითხებში ყოფილი სახელმწიფო მინისტრი. წარმდგენი: გიორგი კანაშვილი.
ხათუნა გოგუა, არასამთავრობო ორგანიზაცია “აფხაზეთი ჩემის” თავმჯდომარე. წარმდგენი: მარინა ზუხბაია.
ეკატერინე მინჯორაია, დემოკრატიული ჩართულობის ცენტრის ზუგდიდის ოფისის (NჩჩE) ხელმძღვანელი. წარმდგენი: ზუგდიდის ქალთა კლუბი.
ხათუნა გარგულია, ოკუპირებული გალის რაიონის სოფელ საბერიოს ექიმი. წარმდგენი: შპს ენგურჰესი, მშვიდობისა და სამოქალაქო განვითარების ცენტრი. გამარჯვებული პრემიის პირველმა ლაურეატმა ნინო კალანდარიშვილმა დაასახელა. ბერტა ფონ ზუტნერის პრემია 2019 წელს საინიციატივო ჯგუფმა “ნდობა მშვიდობისთვის” ზუგდიდელი მშვიდობის აქტივისტისა და ახალგაზრდული საინიციატივო ჯგუფის წევრის სალომე ადამიას მიერ დაფუძნდა.
ბერტა ზუტნერი დღეს ცნობილია, როგორც ავსტრიელი საზოგადო მოღვაწე, პუბლიცისტი, ჟურნალისტი, მწერალი, მშვიდობის ნობელის პრემიის პირველი ლაურეატი ქალი, რომელიც ანტისემიტიზმის წინააღმდეგ და ქალთა უფლებებისთვის იბრძოდა.
ის პირველი ქალია, რომელმაც ნობელის პრემია მიიღო მშვიდობის დარგში. ავსტრიელი მწერალი სამეგრელოს სამთავროს უკანასკნელ დედოფალთან, ეკატერინე ჭავჭავაძესთან მეგობრობდა და ხუთი წლის მანძილზე ზუგდიდში ცხოვრობდა.