ოკუპირებული ცხინვალის რეგიონის ე.წ. „შინაგან საქმეთა მინისტრის“ იგორ ნანიევის ავტომობილს დაუდგენელმა პირებმა ცეცხლი გაუხსნეს, – ამის შესახებ ინფორმაციას ადგილობრივი მედია დე-ფაქტო რეჟიმის წარმომადგენლებზე დაყრდნობით ავრცელებს.
მათივე ინფორმაციით, ინციდენტი წუხელ ცხინვალში, 8 ივნისის ქუჩაზე მოხდა.
ე.წ. ძალოვანი უწყების წარმომადგენლები ადგილზე გვიანობამდე მუშაობდნენ.
გავრცელებული ინფორმაციით, იგორ ნანიევი არ დაშავებულა.