ზუგდიდის მერიასთან ბიზნესმენმა მანანა მიქავამ უფლებადამცველ ნანა ფირცხელავასთან ერთად აქცია გამართა. ადვოკატის თქმით, ორი თვისწინ დარეგისტრირებული განცხადება რომელიც რეაგირების გარეშე იყო, მერიის თანამშრომლმა თვითნებურად, ხელახლა მისი ნებართვის გარეშე გაატარა რეგისტრაციაში. ფირცხელავა ითხოვს სისხლის სამართლის საქმის აღძვრას მერის და კანცელარიის თანამშრომლების წინააღმდეგ. მან ადგილზე გამოიძახა საპატრულო პოლიცია და ამ საკითხთან დაკავშირებით ოქმი შეადგენინა და განცხადება შეიტანა.
რაც შეეხება მანანა მიქავას, ბიზნესმენი ამბობს, რომ ხვალ დილის 6 საათიდან აქციას მოაწყობს, თბილისში ფეხით ჩასვლას აპირებს ბიძინა ივანიშვილთან შეხვედრის მიზნით.
მერიაში განაცხადეს, რომ მერი, გიორგი შენგელია თანახმა იყო მანანა მიქავას შეხვედროდა, თუმცა მიქავამ ჩვენთან საუბარში აღნიშნა, რომ მერს მხოლოდ მისი შვილი და უფლებადამცველი შეხვდება. მერიის ინფორმაციითვე, ადვოკატის განცხადებასთან დაკავშირებით შესაბამისი სამსახური ჩაატარებს მოკვლევას და უწყების ინფორმაციით, თუ გადაცდომა დაფიქსირდება, შესაბამის ზომებს მიიღებენ.
