მერიის შენობიდან ჟურნალისტებისა და ოპერატორების ძალის გამოყენებით გაძევების გადაწყვეტილება პოლიციამ მას შემდეგ მიიღო, რაც „სამეგრელოს ხმის“ ლიდერმა თენგიზ ჯგუშიამ ფოიეში ტრიბუნის დაკავება სცადა იმ მიზნით რომ განცხადება საჯაროდ გაეკეთებინა.
ჯგუშიას განცხადება ენგურქაღალდკომბინატის ტერიტორიაზე ცემენტის ქარხნის მშენებლობას ეხებოდა, სადაც ორი დღის წინ მოსახლეობამ საპროტესტო აქცია გამართა და პეტიცია შეიმუშავა.
რაც შეეხება ოპერატორებისა და ჟურნალისტებისთვის მუშაობაში ხელშეშლას, მერიაში განმარტავენ, რომ არასდროს არ ქონიათ პრობლემა მედიასთან, „ თუმცა ეს არ არის პოლიტიკური განცხადებების კეთების ადგილი, სწორედ ამიტომ მოითხოვა დაცვამ გადამღები ჯგუფს დაეტოვებინა შენობა“- განმარტეს მერიაში.