ხმაურია ამ წუთებში ზუგდიდის მერიასთან, სადაც ბიზნესმენი მანანა მიქავა აციას მართავს. ის შეხვედრას ითხოვს მერთან, თუმცა ამის შესაძლებლობა ამ დრომდე არ მიეცა. ადგილზე მობილიზებულები არიან სამართალდამცავები, რომლებიც წინააღმდეგობას უწევენ აქციის მონაწილეებს, რომლებიც ცდილობენ მეორე სართულზე ასვლას. მიქავასთან ერთად არიან მისი მხარდამჭერები პლაკატებით ხელში, აქვე იმყოფებიან მცირეწლოვანი ბავშვებიც, ასევე პლაკატებით. ბიზნესმენი ითხოვს მერიამ წარუდგინოს ის საბუთები, რომლის მიხედვითაც მას ნიკოლაძის ქუჩაზე არსებული მიწის ნაკვეთი ჩამოერთვა. მიქავას თქმით, დოკუმენტაცია გაყალბებულია და მერიამ აღნიშნული ტერიტორია უსამართლოდ დაიკანონა.
