ყოველი წლის, 28 ივლისს, ჯანმრთელობის მსოფლიო ორგანიზაცია ჰეპატიტების მსოფლიო დღეს აღნიშნავს. ჰეპატიტების მსოფლიო დღის მიზანს წარმოადგენს ვირუსული ჰეპატიტებისა და ამ ვირუსებით გამოწვეული დაავადებების შესახებ მოსახლეობის ცნობიერების ამაღლება.
ამ მიმართულებით ასოციაცია „ქსენონი“ ცხრა წელზე მეტია მუშაობს და როგორც ასოციაციის ხელმძღვანელი, ნინო ჯანაშია ამბობს, მსოფლიო ჯანდაცვის ორგანიზაცია მოუწოდებს ყველა ქვეყანას გააერთიანონ ძალისხმევა, რათა 2030 წლისთვის მიღწეული იქნეს, ჰეტატიტების, როგორც საზოგადოებრივი ჯანდაცვის პრობლემის ელიმინაცია მთელ მსოფლიოში.
მისივე თქმით, ასოციაცია „ქსენონი“ ჰეპატიტების პროგრამაში 2011 წლიდანაა ჩართული და მათი მთავარი მიმართულებაა, პრევენცია, დიაგნოსტიკა და მკურნალობა.
აღსანიშნავია, რომ 2014 წელს ოთხი დაწესებულება, ხოლო ამჟამად უკვე ქვეყნის მასშტაბით 37 ცენტრი, ელიმინაციის პროგრამის ბენეფიციარებს სთავაზობს C ჰეპატიტის დიაგნოსტიკისა და მკურნალობის სერვისებს. სტატისტიკური მონაცემების თანახმად, 2020 წლის პირველ ივლისამდე 70 ათასზე მეტი ბენეფიციარია აღნიშნულ პროგრამაში ჩართული.
წლევანდელი კამპანიის სლოგანია „მომავალი ჰეპატიტის გარეშე“, ნინო ჯანაშიასგანმარტებით, აღნიშნული კამპანიის მიზანია C ჰეპატიტის საკითხთან მიმართებაში საზოგადოების ინფორმირებულობის კიდევ უფრო მეტად გაზრდა და ასევე მნიშვნელოვანია პაციენტთა მკურნალობაზე განათლებისკენ მიმართული ღონისძიებების განხორციელება.