“ქართული ოცნების” მაღალჩინოსანი კონტრაბანდის ბრალდებით დააპატიმრეს. დაკავებულია წალენჯიხის საკრებულოს თავმჯდომარე თემურ ღვინჯილია და მისი ბიძაშვილი, საკრებულოს აპარატის თანამშრომელი მათე ღვინჯილია. ტელეკომპანია “ოდიშს” წყარომ მიაწოდა ინფორმაცია, რომ დაკავებულები სავარაუდოდ ნარკოტიკული ნივთიერების ზემოქმედების ქვეშ იყვნენ, ხოლო კონტრაბანდული სიგარეტის საწყობი იყო ამავე საკრებულოს წევრის, დათა კუკავას საცხოვრებელი სახლი სოფელ ფახულანში. თავად კუკავა აღნიშნულ ინფორმაციას უარყოფს და მას დეზინფორმაციას უწოდებს.
არსებული ინფორმაციით, მას სამსახურეობრივი მანქანით დიდი ოდენობით კონტრაბანდული სიგარეტი ოკუპირებული ტერიტორიიდან გადმოჰქონდა. ფაქტს ადასტურებს წალენჯიხის გამგებელი.
თემურ ღვინჯილია დღეს, 26 ივლისს, გამთენიისას საოკუპაციო ხაზთან დააკავა აფხაზეთის პოლიციამ, როდესაც მას 17 ყუთი სიგარეტი გადაჰქონდა. დაკავებულის საქმე ზუგდიდის ფინანსურ პოლიციაშია გადაცემული, თუმცა პოლიციაში ჯერჯერობით დამატებითი ინფორმაციის გაცემაზე უარს ამბობენ.