კონტრაბანდის ბრალდებით  დაკავებული წალენჯიხის საკრებულოს თავმჯდომარე თემურ ღვინჯილია დუმილის უფლებას იყენებს და წარდგენილ ბრალს არ ეთანხმება. ამის შესახებ ჟურნალისტებს ადვოკატმა ბაჩუკი ყურაშვილმა განუცხადა. მისივე ინფორმაციით, მისი დაცვის ქვეშ მყოფი მომხდართან კავშირს უარყოფს, თუმცა ადასტურებს, რომ ნამქანა ნამდვილად სამსახურის იყო, თუმცა ათხოვა პირს, რომელიც პოლიციამ მასთან ერთად დააკავა.ერთ-ერთი ვერსიით, რომელიც მედიაში გავრცელდა, თემურ ღვინჯილიასთან ერთად ამ საქმეში ფიგურირებს დავით კუკავა, რომელიც საკრებულოს მაჟორიტარი  წევრია ფახულანიდან, თუმცა კუკავა ამ ფაქტს კატეგორიულად უარყოფს და ამბობს, რომ მას ამ საქმესთან კავშირი არა აქვს და მედიაში გავრცელებული ინფორმაცია არასწორია.თემურ ღვინჯილიას დაკავების ოპერატიული ღონისძიებები ერთობლივად ჩაატარეს ფინანსთა სამინისტროს საგამოძიებო სამსახურის და შინაგან საქმეთა სამინისტროს აფხაზეთის ავტონომიური რესპუბლიკის დეპარტამენტის თანამშრომლებმა. ამის შესახებ ინფორმაციას ფინანსთა სამინისტროს საგამოძიებო სამსახური ავრცელებს. ჩხრეკის შედეგად ამოღებულია 8 310 კოლოფი უაქციზო სიგარეტი, რომლის სავარაუდო ღირებულება 34 000 ლარს აღემატება. თემურ ღვინჯილიას დაკავების ფაქტზე, გამოძიება სისხლის სამართლის კოდექსის მე-200 მუხლით მიმდინარეობს, რაც 6-დან 8 წლამდე თავისუფლების აღკვეთას გულისხმობს.