დემოკრატიული ჩართულობის ცენტრში „საქართველოში არასასურსათო პროდუქციის უსაფრთხოების საკითხებთან დაკავშირებით“ საინფორმაციო შეხვედრა გაიმართა. საქართველოს სტრატეგიული კვლევებისა და განვითარების ცენტრის პროგრამის კორდინატორის განცხადებით, მათი ორგანიზაცია დიდიხანია აკვირდება ქვეყანაში ამ მხრივ არსებულ სიტუაციას და მისი თქმით, სამწუხაროდ სამომხმარებლო არასასურსათო პროდუქციის აბსოლუტური უმრავლესობა არ ექვემდებარება არანაირ სახელმწიფო კონტროლს და მოთხოვნებს, რაც წარმოადგენს ჯანმრთელობისთვის სერიოზულ რისკებს.
საქართველოს სტრატეგიული კვლევებისა და განვითარების ცენტრმა მომხმარებლის უფლებების დაცვის მიმართულებით მუშაობა 2009 წლიდან დაიწყო და ამ დროის განმავლობაში ასეულობით სასურსათო პროდუქტი ლაბორატორიულად შეამოწმა. ინფორმაცია დარღვევების შესახებ მიეწოდება საზოგადოებას, სახელისუფლებლო სტრუქტურებსა და ბიზნესის წარმომადგენლებს. პროგრამის ერთ-ერთი მიმართულება მომხმარებლის კონსულტაციაა.