ზუგდიდის ბოტანიკურ ბაღში სსიპ ქ. ზუგდიდის მე-11 საჯარო სკოლის საბავშვო ინტელექტუალური ვიქტორინას დასკვნითი საღამო ჩატარდა. აღნიშნული აქტივობის ჩატარების ინიციატივა ერთ-ერთ მშობელს მაკო ჭკადუას ეკუთვნის, რომელსაც შემდეგ მხარი დაუჭირა სკოლის ადმინისტრაციამ და „ასოციაცია მერკურმა“, ასევე სხვადასხვა ორგანიზაციებმა და მცირე მეწარმეებმა. მაკოს თქმით, მათ რამდენიმე ტური ჩაატარეს, თუმცა პანდემიისა და საგანგებო მდგომარეობის გამო დასკვნითი ღონისძიების ჩატარება მხოლოდ ამჟამად შეძლეს.
ღონისძიების ბოლოს დაჯილდოება გაიმართა, სადაც გამარჯვებულ ბავშვებთან ერთად დანარჩენ მონაწილეებსაც სპეციალური საჩუქრები გადასცეს.