ლელო ზუგდიდის რეგიონული ოფისის ხელმძღვანელმა ალექსანდრე ახვლედიანმა სოფლების რწმუნებულების გათავისუფლებაზე ბრიფინგი გამართა, სადაც განაცხადა, რომ ზუგდიდის რაიონის რვა სოფლის რწმუნებულის გათავისუფლება წინა საარჩევნო პერიოდს უკავშირდება და ისინი უკანონოდ, პოლიტიკური ნიშნით არიან გათავისუფლებულები.
მერიაში კომენტარი გააკეთეს საკადრო გადაადგილებასთან დაკავშირებით და განმარტეს, რომ ზუგდიდის მუნიციპალიტეტის რვა ადმინისტრაციული ერთეულის მერის წარმომადგენლებს პირველ აგვისტოს შეუწყდებათ ადმინისტრაციული ხელშეკრულება. ამის შესახებ მათ ინფორმაცია ერთი თვით ადრე მიიღეს.