ზუგდიდში ვლაქერნობა აღინიშნება.
მიტროპოლიტმა გერასიმემ, სამღვდელოებასთან და მრევლთან ერთად, ზუგდიდის დადიანების სასახლის ისტორიულ-არქიტექტურული მუზეუმიდან ყოვლადწმინდა ღვთისმშობლის პატიოსანი სამოსელი, წმიდა მარინეს, წმიდა კვირიკეს, წმიდა გიორგისა და წმიდა იოანე ნათლისმცემლის წმინდა ნაწილები გამოასვენა.
დადიანების ეზოდან ქალაქის ცენტრალური ნაწილის გავლით ივერიის ღვთიმშობლის ხატის სახელობის მშენებარე საკათედრო ტაძრამდე სალიტანიო მსვლელობა მოეწყო.
მსველობაში სამღვდელოებასთან და მოქალაქეებთან ერთად მონაწილეობას იღებდნენ საქართველოს პრეზიდენტი სალომე ზურაბიშვილი, სამეგრელო ზემო-სვანეთის გუბერნატორი ალექსაბდრე მოწერელია.
ღვთისმშობლის კვართი და წმინდა ნაწილები საკათედრო ტაძარში საღამომდე იქნება დაბრძანებული და მომლოცველებს მთელი დღის განმავლობაში შეეძლებათ მათთან მიახლოება და მოლოცვა. სპეციალურად ამ დღის აღსანიშნავად ზუგდიდში მომლოცველები საქართველოს სხვადასხვა კუთხიდან ჩავიდნენ.