ლელო ზუგდიდის რეგიონული ოფისის ქალთა საბჭომ გამართა ბრიფინგი ფემიციდის თემაზე. მათ დაგმეს და გააკრიტიკეს ის მანკიერი მოვლენა, რასაც ფემიციდი ჰქვია და რაც ჯერ კიდევ გადაუჭრელ პრობლემად რჩება 21-ე საუკუნეში. ლელო ზუგდიდის რეგიონული ოფისის ქალთა საბჭოს კურატორის სოფიო შამუგიას განცხადებით, დღეს არსებული მდგომარეობა ნათლად მიუთითებს, რომ ქვეყანაში ფემიციდის პრევენიის მიზნით განხორციელებული ზომები არასათანადოა, პრობლემაზე შესაბამისად და ეფექტურად ვერ რეაგირებენ სამართალდამცავი უწყებები, ამასთანავე მისივე თქმით, გარდა ფემიციდისა, ქვეყანა სხვადასხვა ძალადობრივი ფაქტების გამოწვევების წინაშეც დგას, როგორიცაა ძალადობაზე თვალის დახუჭვა, რომელიც უკვე მოქალაქეობრივი კრიმინალია.
ლელო მოუწოდებს სახელმწიფოს მეტი გულისხმიერებით მოეკიდოს აღნიშნულ პრობლემას, გააძლიეროს და გააფართოვოს ქალთა მხარდამჭერი პროგრამები და სათანადო რეაგირება მოახდინოს ძალადობრივ ქმედებებზე!