შინაგან საქმეთა სამინისტროს ინფორმაციით, სვანეთში იარაღის უკანონო შეძენა-შენახვის ბრალდებით ერთი ადამიანი – 1981 წელს დაბადებული გ.ს. დააკავეს.
შსს-ს ცნობით, დაკავებულის სახლის ჩხრეკისას სამართალდამცავებმა კალაშნიკოვის სისტემის “აკ-74” სისტემის ორი ცეცხლსასროლი იარაღი, სამი მჭიდი, სამოცდათორმეტი საბრძოლო ვაზნა და სანადირო თოფი ამოიღეს.
საქმეზე გამოძიება 236-ე მუხლის მე-3 ნაწილით დაიწყო, რაც ცეცხლსასროლი იარაღისა და საბრძოლო მასალის მართლსაწინააღმდეგო შეძენას ან შენახვას გულისხმობს. დანაშაული 3-დან 6-წლამდე ვადით თავისუფლების აღკვეთას ითვალისწინებს.