საკრებულოს სხდომაზე ზუგდიდის საშუალოვადიანი განვითარების გეგმის დოკუმენტი დაამტკიცეს. დოკუმენტთან დაკავშირებით შენიშვნები გამოთქვა ევროპული საქართველოს წევრმა ბართლომე შელიამ. დეპუტატის თქმით, ეს არის ფარატინა ქაღალდი, რომელშიც არ ჩანს რეალური ხედვა, რომელიც ჭიდრება მუნიციპალიტეტს. მან ასევე იურიდულ საკითხთა კომიტეტის თავჯმდომარეს მიმართა და განაცხადა, რომ მას ეს დოკუმენტი წაკითხული არ ქონდა.
იურიდიული კომიტეტის თავჯდომარე სანდრო სორდიამ აღნიშნულ ბრალდებას სიცრუე უწოდა და განაცხადა, რომ ბართლომე შელიას არ დაუფიქსირებია ამ დოკუმენტის მიმართ შენიშვნა, მან მხოლოდ ტექნიკური ხასიათის შეცდომა აღმოაჩინა და სწორედ ამაზე გააკეთა აპელირება. ზუგდიდის საკრებულოს თავჯდომარის მამუკა წოწერიას თქმით, ზუგდიდის მუნიციპალიტეტის საშუალოვადიანი განვითარების დოკუმენტში, კონკრეტული დეტალური ღონისძიებები არ არის ჩაშლილი და კონკრეტიკა კიდევ სჭირდება. თუმცა, მისივე თქმით, ტყუილია, რომ ოპოზიციის მოსაზრებები არ გაითვალისწინეს, იმიტომ რომ ზოგადი კრიტიკის გარდა მათ ეს არ წარმოუდგენიათ. წოწერიას თქმით, საშუალოვადიანი განვითარების დოკუმენტების გარდა სტრატეგიული დოკუმენტებიც უნდა შეიქმნას და ამ პროცესში მოსახლეობას ჩართვისკენ მოუწოდებს