“მე პირბადე მოვიხსენი იმიტომ, რომ ჩემი სახე ახსენეს და მინდა, ჩემი მწყაზარი სახე გაყურებინოთ. ძველქართული სიტყვები თქვენზე კარგად მოქმედებს ბატონო, გიგა [ბოკერია]…” – განაცხადა იუსტიიციის მინისტრმა თეა წულუკიანმა პარლამენტში გიორგი გახარიას წლიური ანგარიშის წარდგენისას.
თეა წულუკიანმა უპასუხა, აგრეთვე დეპუტატ ირმა ნადირაშვილს, რომელმაც თინა ბოკუჩავასთან ერთად პრემიერს კითხვები ია კერზაიას შვილის, ბაჩანა შენგელიას შესახებ დაუსვა, კითხვაზე პასუხის გაცემა კი პრემიერმა წულუკიანს სთხოვა.
ირმა ნადირაშვილმა წულუკიანის დემაგოგიის პასუხად მისი მისამართით განაცხადა, რომ მას ადამიანები არ უყვარს.
“ქალბატონო ირმა, სადაც ბრძანდებით, ალბათ, ჩართული გაქვთ ტელევიზორი. მე ძალიან მიყვარს ადამიანები, უფრო მეტიც, არამცთუ ადამიანები მიყვარს, თქვენც კი მიყვარხართ” – განაცხადა თეა წულუკიანმა.