ზუგდიდის ცენტრში, კინოს მიმდებარე ტერიტორიასთან მდებარე საცხოვრებელ კორპუსში, მესამე სართულზე ერთოთახიანი ბინა მთლიანად დაიწვა. როგორც ბინის მაცხოვრებლებმა ჩვენთან საუბარში აღნიშნეს, მესამე სართულზე ძლიერი დაკვამლიანება შეამჩნიეს და სახანძრო სამსახურის სამაშველო ბრიგადა გამოიძახეს. გავრცელებული ინფორმაციის თანახმად, სახლში იმ პერიოდში არავინ იმყოფებოდა და სავარაუდოდ ცეცხლი გაზის ღუმელს გაჩნდა. ადგილზე ოთხი სახანძრო-სამაშველო ბრიგადა მუშაობდა, კორპუსიდან მოსახლეობის სრული ევაკუირება განხორციელდა. ამ დროისთვის ბინაში გაჩენილი ცეცხლი მთლიანად ლოკალიზებულია.
