ზუგდიდში გზების რეაბილიტაციის მასშტაბური პროექტის დასრულების შესახებ ინფორმაცია ყოველ არჩევნებზე ხელისუფლების მთავარი საპიარო თემაა, თუმცა ამ დრომდე ბოლომდე დასრულებული არც ერთი გზა არაა. მოსახლეობა მრავალჯერ გადათხრილი ქუჩების გამო უკმაყოფილებას გამოთქვამს. ამჯერად ჩიჩუას ქუჩაზე, ასფალტის საფარი მესამედ გადათხარეს და ერთხელ უკვე გაკეთბული საკანალიზაციო მილები ხელახლა გაყავთ. მიზეზი ისაა, რომ მოსახლეობის თქმით, ძველი მილები ჩადეს, რაც მანქანების მოძრაობის გამო დაიფშვნა და მისი ამოღება აუცილებელი გახდა.ადგილობრივები დანგრეული გზების გამო პრეტენზიებს ხშირად გამოთქვამენ. ზაფხულის ბუღში მტვერი, წვიმიან ამინდში კი ტალახი მოსახლეობის მთავარი პრობლემაა, მძღოლებს კი მანქანების მუდმივად შეკეთება უწევთ მოუწესრიგებელი და დანგრეული გზების გამო. ზუგდიდის მერი დასმულ კითხვაზე, თუ რატომ ხდება ერთხელ გაკეთებული საკანალიზაციო და წყლის მილების ხელახლა მონტაჟი, აცხადებს, რომ მხოლოდ შემოწმება მიმდინარეობს და სამუშაოები ტესტირების რეჟიმს გადის
ზუგდიდის მერის პასუხი ადგილობრივევის თქმით, არადეკვატურია, რადგან ამ პროექტებში ხალხის ფული იხარჯება, თუმცა ხელისუფლება ამას არაფერად აგდებს და უხარისხოდ გაკეთებული სამუშაოებისთვის თანხებს ხელმეორედ ხარჯავს.