აბიტურიენტ გიორგი ქადარიასთვის პანდემიის პერიოდი შემოქმედებითი კუთხით მრავალფეროვანი და შინაარსიანი აღმოჩნდა. ბოლო სამი თვის მანძილზე მან რამდენიმე თემატური ტილო შექმნა და პარალელურად ვიდეო- რგოლებიც გადაიღო. ხატვა ბავშვობიდან დაიწყო, თუმცა როგორც გაგვიმხილა თეატრალურზე აპირებს ჩაბარებას და რა თქმა უნდა ხატვასაც თავს არ დაანებებს. მისი თქმით, წინასწარ არასდროს არ იცის რა თემაზე უნდა დახატოს და ნამუშევრები ძირითადად გრაფიკაში აქვს შესრულებული.
გიორგი ხატვისას უფრო მეტად გუაშებს იყენებს და ბოლო პერიოდში, ნათელ, გამოკვეთილ ფერებს ანიჭებს უპირატესობას.
როგორც ამბობს საკუთარი ნახატები ძალიან უყვარს და გაყიდვისთვის ვერ გაიმეტებს, რადგანაც თითოეული მათგანი მისთვის ღირებული და განსაკუთრებულია, ამასათანავე, ყველას თავისი შინაარსი და ისტორია გააჩნია.