საქართველოს სახელმწიფო უსაფრთხოების სამსახურის ანტიკორუფციული სააგენტო ზუგდიდის მერიის საქმიანობით მას შემდეგ დაინტერესდა, რაც “ნაციონალურმა მოძრაობამ” ზუგდიდის მერის გეგა შენგელიას წინააღმდეგ პროკურატურაში, ყინულის სახლის ტერიტორიის გაყიდვასთან დაკავშირებით, განცხადება შეიტანა და საქმის ძიება მოითხოვა. მერიაში „ოდიშინიუსს“ დაუდასტურეს, რომ წერილობითი შეტყობინება მიიღეს და დოკუმენტაციის ასლებიც გადაუგზავნეს.
ენმს ზუგდიდის ფრაქციის თავმჯდომარე ანა წითლიძემ პროკურატურაში განცხადება 3 ივნისს შეიტანა, მისი თქმით, ზუგდიდის მერის გიორგი შენგელიას გადაწყვეტილებით, ყინულის სახლის მიმდებარე ტერიტორია გაიყიდა და ზუგდიდის მერსა და m2 შორის კორუფციული გარიგება შედგა, რაც სისხლის სამართლის დანაშაულის ნიშნებს შეიცავს.
ცნობისთვის, 2019 წელს ზუგდიდის სკეიტ პარკში მდებარე ყინულის სასახლის ტერიტორია სამშენებლო კომპანია m² – მა 7 270 118 ლარად შეიძინა. სადაც კომპანიას 80 ნომრიანი საერთაშორისო სტანდარტების მქონე ბრენდული სასტუმრო უნდა აეშენებინა, ხოლო მერიას აღნიშნულ მიწის ნაკვეთზე განთავსებული შენობა-ნაგებობისა და დანადგარების დემონტაჟი უნდა ეზრუნველეყო. ტერიტორიის გასხვისებას საზოგადოების ნაწილი მხარს არ უჭერდა და ამ მოტივით რამდენჯერმე საპროტესტო აქციაც გაიმართა, თუმცა საკრებულომ ტერიტორია საპრივატიზაციო ნუსხაში ხმაურისა და დაპირისპირების ფონზე შეიტანა.
წითლიძის ბრალდებებს იმ დღსვე უპასუხა ზუგდიდის მერმა, გიორგი შენგელიამ წითლიძის განცხადებებს აბსურდული უწოდა.