ხმაურის ფონზე ჩატარდა საკრებულოს სხდომა,სადაც ბიზნესმენი მანანა მიქავა საკრებულოს წევრებს დაუპირისპირდა. ინციდენტი მას შემდეგ მოხდა, რაც ცნობილი გახდა, რომ საკრებულო დღის წესრიგით გათვალისწინებული საკითხის განხილვაზე გადადიოდა, რომელიც გულუას პარკის მიმდებარე ტერიტორიის გასხვისებას ითვალისწინებდა. ბიზნესმენმა საკრებულოს თავმჯდომარეს სიტყვიერი შეურაცხყოფა მიაყენა და მამუკა წოწერია მიწის გასხვისების საკითხში პირად ინეტერესებში დაადანაშაულა, მან წოწერიასთვის წყლის შესხმა მოინდომა და “ნაგავი” უწოდა.
მამუკა წოწერია უარყოფს მიქავას ბრალდებებს და აცხადებს, რომ მას ქონდა შესაძლებლობა თავისი სიმართლე სასამართლოში დაემტკიცებინა და რადგან სასამართლო გადაწყვეტილება მიღებულია, ქალბატონმა მანანამ სასამართლოს უზენაესობას პატივი უნდა სცეს. ინციდენტისას მანანა მიქავა შეუძლოდ გახდა, რის გამოც სასწრაფო დახმარების გრიგადის გამოძახება აუცილებელი გახდა.
მიქავას ადვოკატი ნანა ფირცხელავა მამუკა წოწერიას მიმართ სისხლის სამართლის საქმის აღძვრას ითხოვს.
ასვე დღეს ზუგდიდის საკრებულომ თანხმობა მისცა მერიას ცენტრალურ მოედანზე ღვთისმშობლის ფრესკის დადგმაზე. საკითხის განხილვას სასულიერო პირებიც ესწრებოდნენ, საკითხს კენჭი ხმათა უმრავლესობით უყარეს.