,,სარეზერვოდ ის ფული შეინახონ, რომელსაც საერთაშორისო ორგანიზაციები მოგვცემს, ფონდში არსებული თანხა კი ხალხს დაურიგონ – ეს საკმარისი იქნება რომ 443 ათას თვითდასაქმებულს 300-ლარიანი დახმარება მისცენ” – რომან გოცირიძე

0
428

ნაციონალური მოძრაობის დეპუტატმა, რომან გოცირიძემ გაოცება გამოთქვა იმის გამო, რომ StopCov ფონდში აკუმულირებულ თანხას მთავრობა სარეზერვოდ დახარჯავს და მოუწოდა მათ, რომ სარეზერვოდ ის ფული შეინახონ, რომელსაც საერთაშორისო ორგანიზაციები მოგვცემს. მისი თქმით, ფონდში არსებული თანხა საკმარისი იქნება 443 ათას თვითდასაქმებულს 300-ლარიანი დახმარება მისცენ.

“ახლა გავიგეთ თქვენგან, რომ ეს ფონდი ყოფილა სარეზერვოდ და ამას გამოიყენებთ მერე. კი მაგრამ, სარეზერვედ გამოიყენეთ ის ფული, რომელიც მერე შემოვა საერთაშორისო ორგანიზაციებისგან და ეს ფული, როემლიც დევს, დახარჯეთ ეხლა თქვენივე არასწორი სქემით, როდესაც 300 ლარს აძლევთ თვითდასაქმებულებს და ნახევარს არ აძლევთ თან”, — განაცხადა რომან გოცირიძემ.

ცნობისათვის: პრემიერმინისტრმა, გიორგი გახარიამ პარლამენტში გამოსვლისას განაცხადა, რომ StopCov ფონდში მობილიზებული 132 მილიონი უფრო მწვავე და საჭირო დროს იქნება გამოყენებული.

წინა სტატია,,ჩვენ ვიყავით ყველგან იქ, სადაც საქართველოს მოქალაქეს სჭირდებოდა დახმარება ” – ნეტავ,სად დადიოდა პრემიერი, რომელიც ერთი თეთრითაც არ დახმარებია პანდემიის პირობებში დაზარალებულებს?
შემდეგი სტატიასამშვიდობო ჟურნალისტიკა – გახდი 2020 წლის ევროკავშირის პრიზის მფლობელი!
ტელეკომპანია ოდიშის საინფორმაციო სამსახური