სახელმწიფო ქონების შესახებ“ კანონში შესატანი ცვლილების პროექტის მიხედვით, საქართველოს სამოციქულო მართლმადიდებელ ეკლესიას საკუთრებაში შეიძლება გადაეცეს ამ კანონის ამოქმედებამდე არსებული მართლმადიდებლური ეკლესია-მონასტრების მიმდებარე ტყის ფართობი, არაუმეტეს 20 ჰა თითოეულის შემთხვევაში და საქართველოს ტყის კოდექსით განსაზღვრული მიჩენილი ტერიტორიები, რაც არასამთავრობოებისა და ოპოზიციის მხრიდან კრიტიკის საგანი გახდა.
,,ტყეს შევუნახავთ მომავალ თაობას.თქვენ ხედავთ როგორ გაიჩეხა ტყეები, როგორ გაიძარცა ეს დიდი საუნჯე და ქვეყნის ფილტვები.ეკლესიები ყოველთვის უფრთხილდებიან ტყეებს და მომავალ თაობას ასე გადასცემენ.აქ იმ ტყის მასივზეა საუბარი რომელიც მონასტრების ახლოს მდებარეობს.სხვა კომფესიებსაც იგივე დაფინანსება აქვს, იგივე პრივილეგიებით სართგებლობენ. საქართველოს ეკლესიას გააჩნია უცხოეთში ეპარქიები, რომელიმე ეპარქიას აქვს პრივილეგიები ისეთი რომ მათ კომფესიებს აქვთ საქართველოში ? არსად არ ხდება ისე როგორც საქართვეკოში? საქართველო არის მაგალითი, არის და იქნება,”- განაცხადა მეუფე გერასიმემ.
ზუგდიდისა და ცაიშის ეპისკოპოსის მეუფე გერასიმე შარაშერიძის განცხადებით, ხე-ტყის განადგურება ხდება და სწორედ ამიტომ უნდა გადაეცეს ეკლესიას რომ მომავალ თაობას შემოუნახოს. მისივე თქმით, იმ ტყეებზეა საუბარი, რომელიც მონასტრების ახლო ტერიტორიაზე მდებარეობს.
კითხვაზე, ხომ არ ფიქრობს ამ მეთოდით ხელისუფლება ეკლესიის გული მოიგოს საარჩევნოდ, ზუგდიდელმა მიტროპოლიტმა ასე უპასუხა -არჩევნებამდე ძალიან ადრეა და ადამიანი ვერაფერს გააკეთებს ისეთს, რომ ამით გული მოიგოს.