სამოქალაქო კლუბი „თავისუფალი მოქალაქე“ -ამ სახელწოდებით ჩამოაყალიბეს კლუბი, საზღვრისპირა სოფელ კოკის სკოლის მოსწავლეებმა. მიუხედავად იმისა, რომ პანდემიის გამო ონლაინ- გაკვეთილებით უწევთ სასწავლო პროცესზე დასწრება, ისინი მაინც ახერხებენ სხვადასხვა აქტივობების განხორციელებას. სამოქალაქო კლუბის ფარგლებში სკოლის მოსწავლეებმა რამდენიმე ვიდეო რგოლი მოამზადეს თემაზე, „ენგურისპირა სოფელი ტურისტებისთვის“. როგორც სკოლის მოსწავლეები ამბობენ, მათთვის ძალიან ძნელი და რთული იყო თავიდანვე ონლაინ გაკვეთილების სისტემაზე გადასვლა. მათი თქმით, მიუხედავად იმისა, რომ სკოლაში ვერ ახერხებენ სიარულს, მაინც ცდილობენ ეს დანაკლისი სხვა ფორმით აინაზღაურონ და გადაწყვიტეს სოფლის ტურისტულ თემაზე ვიდეო რგოლების მომზადება. როგორც სკოლის ისტორიის მასწავლებელი შაქრო ნარმანია ამბობს, ბავშვები ძალიან მონდომებულები არიან, მითუმეტეს ასეთ დროს მათი მხრიდან გამოჩენილი აქტიურობა მასწავლებლებისთვის მოულოდნელი და ამავდროულად ძალიან სასიამოვნო იყო.
კოკის საჯარო სკოლის მოსწავლეები მომავალში გეგმავენ ანალოგიური სახის პროექტები თანატოლებთან ერთად განახორციელონ