მალე მოგვიდი, გაზაფხულო… – მეგრული ჟურნალის „სქანი“ პირველი ნომერი უკვე წიგნის მაღაზიებსა და პრესის ჯიხურებშია

0
1307

გამოვიდა პირველი მეგრულენოვანი სამეცნიერო ხასიათის ჟურნალის „სქანი“ პირველი ნომერი. პირველ ეტაპზე მისი ტირაჟი 800-მდე ეგზემპლარს შეადგენს

გამოცემის დამფუძნებელი და მთავარი რედაქტორია გივი ქარჩავა, რედაქციის ერთერთი საკვანძო ფიგურა – გიგა ქავთარაძე.

ჟურნალი უკვე იყიდება თბილისში და მალე გამოჩნდება  ზუგდიდსა და სამეგრელოს სხვა ქალაქებშიც –  უკვე მიღწეულია შეთანხმება ხობში, ჩხოროწყუსა და მარტვილში არსებულ წიგნის მაღაზიებთან და პრესის ჯიხურებთანაც.

ჟურნალის ფასი 5 ლარს არ აღემატება.

გამოცემის დამფუძნებელი ამბობს, რომ ამ ჟურნალის შექმნის მიზანი მეგრული ენის გადარჩენა და პოპულარიზაციაა.  

ბეჭდური გამოცემის პირველ ნომერში შესულია სტატიები სამეგრელოს ისტორიის, გალის რაიონში შეცვლილ ტოპონიმიკაზე , ფრინველთა მეგრული ტერმინოლოგიის, გენდერის საკითხებზე. ჟურნალში მნიშვნელოანი ადგილი უჭირავს მეგრული პოეზიისა და პროზის, მეგრულ ენაზე თარგმნილი მსოფლიო და ქართული ლიტერატურის ნიმუშებს .

ჟურნალის გარეკანზე სიმბოლურად კოლხური ყოჩივარდაა გამოსახული, რომელიც გაზაფხულის მახარობელია და თოვლშიც ყვავილობს.

წინა სტატიავოლოდიმირ ზელენსკი იმ მიზეზებს ასახელებს, რომელმაც საქართველოს მესამე პრეზიდენტის მთავარ რეფორმატორად დანიშვნა განაპირობა
შემდეგი სტატიადაუდგა ივანიშვილს განკითხვის ჟამი. მილიარდები გინდოდეს დასავლეთისაგან და არ სცემდე პატივს დასავლურ დემოკრატიას, გამუდმებით ატყუებდე პარტნიორებს – ასე ვერ გაგრძელდებოდა
ტელეკომპანია ოდიშის საინფორმაციო სამსახური