„ სამეგრელო-ზემო სვანეთის რეგიონში სასოფლო-სამეურნეო სამუშაოები შეუფერხებლად მიმდინარეობს“, – ასე აცხადებენ რეგიონის რწმუნებულის აპარატში და აღნიშნავენ, რომ, კერძოდ, სოფელ ცაიშში, სადაც მეწარმე ნანა ფიფიას მარწყვის სათბურები 3 ათას კვადრატულ მეტრზე აქვს გაშენებული, ბოლო პერიოდში სამი ტონა პროდუქციის რეალიზება მოახდინა. მის საქმიანობას ადგილზე სამეგრელო- ზემო სვანეთის სახელმწიფო რწმუნებულის მოადგილე, დავით ვერავა გაეცნო. ჩვენმა გადამღებმა ჯგუფმა ფერმერი ორი კვირის წინ ჩაწერა, სადაც იგი ჩვენთან ინტერვიუში აცხადებდა, რომ კორონა ვირუსის გავრცელების გამო შექმნილი შეზღუდვებიდან გამომდინარე, ისინი ვერ ახერხებდნენ პროდუქციის გატანას ბაზარზე გასაყიდად. სამეგრელო- ზემო სვანეთის სახელმწიფო რწმუნებულის მოადგილემ დავით ვერავამ აღნიშნა, რომ მიუხედავად ქვეყანაში არსებული ვითარებისა ფერმერებს პროდუქციის რეალიზება არ უჭირთ. როგორც ირკვევა, მეწარმე ნანა ფიფიას აღნიშნული პრობლემები ეპატობრივად მოუგვარდა და მან მარწყვის რეალიზება უკვე დაიწყო.