„ახალი საქართველოს” ლიდერი გიორგი ვაშაძე ექიმებს მოუწოდებს, გაერიდონ პოლიტიკას, არ გახდნენ ხელისუფლების ბრმა იარაღი და თავი შეიკავონ პოლიტიკური განცხადებების გაკეთებისგან.
ვაშაძის თქმით, როგორც კი უფრო მძაფრად გამოჩნდება ქვეყანაში პრობლემები, “ქართული ოცნება” ხელს ექიმებისკენ გაიშვერს და სამედიცინო სფეროს წარმომადგენლები ისევ ოპოზიციის დასაცავები გახდებიან.
“შექნილი ვითარების ფონზე, ძალზედ სამწუხაროა, ექიმების გამოყენება პოლიტიკური მიზნებისთვის, შესაბამისად, მინდა ვთხოვო ჩვენს ექიმებს, თავი შეიკავონ პოლიტიკური განცხადებებისგან, რადგან ზუსტად ვიცი, რომ როგორც კი უფრო მძაფრად გამოჩნდება პრობლემები ქვეყანაში, “ქართული ოცნება” ხელს პირველი თქვენსკენ გამოიშვერს და რაღა თქმა უნდა, ამ დროს ისევ ჩვენი დასაცავი გახდებით. ასე რომ, გაერიდეთ პოლიტიკას და ნუ გახდებით ამ ბრძოლაში ხელისუფლების ბრმა იარაღი. ექიმის საქმე არის და უნდა იყოს ადამიანის ჯანმრთელობაზე ზრუნვა, მიუხედავად პოლიტიკური შეხედულებისა. ჩვენ თქვენ პატივს გცემთ და გაფასებთ არა პოლიტიკური კუთვნილებით, არამედ თქვენი პროფესიონალიზმით და საქმისადმი დამოკიდებულებებით”, – განაცხადა გიორგი ვაშაძემ.
ინფორმაციას „ახალი საქართველოს” საზოგადოებასთან ურთიერთობის სამსახური ავრცელებს.