მცირე ფერმერები და პატარა საოჯახო მეურნეობები, რომლებსაც სეზონური შემოსავალი აქვთ, მოსავლის რეალიზაციას ვერ ახერხებენ და გაფუჭებული ნედლეულის გადაყრა უწევთ. სოფელ კახათში ენუქიძეების ოჯახი წლებია საოჯახო მეურნეობას ამუშავებს და აქ გამოყვანილი ბოსტნეულის ჩითილების რეალიზაციით შემოსავალს იღებს, თუმცა წელს, კორონავირუსთან დაკავშირებული შეზღუდვების გამო პრობლემები შეექნმათ და პირველად გამოყვანილი ნერგები გაუფუჭდათ.
ჩითილებს ენუქიძეები ზუგდიდის აგრარულ ბაზარში ყიდდნენ, ახლა ბაზარი ღიაა, თუმცა არაა დაშვებული გადადგილება, არა აქვთ საშვიც, რის გამოც ჩითილები გასაყიდად ვერ გააქვთ.
ქალაქებს შორის მიმოსვლის შეზღუდვა და ავტომანქანებით გაადგილების აკრძალვა ფერმერებს მძიმე ტვირთად აწვება. პრობლემა არა მარტო სამეგრელოში, არამედ მთლიანად ქვეყნის მასშტაბით იჩენს თავს.სწორედ ამიტომ, 23 აპრილს, 11-მა ფერმერულმა ასოციაციამ მთავრობას საერთო წერილით მიმართა და ფერმერებისა და მცირე მეწარმეებისათვის შეზღუდვების შერბილება მოითხოვა, როგორ და რა ფორმით დაეხმარება მთავრობა ფერმერებს, ამ ეტაპზე უცნობია.