ანაკლია-განმუხურის საკარანტინო სივრცეში ამ დროისთვის 36 პირი იმყოფება, გარდა ამისა ფოთის ტირ პარკში 72 მძღოლი იმყოფება. რაც შეეხება თვითიზოლაციას, რეგიონში ამ დროის მონაცემებით, 174 პირია თვითიზოლაციაში. თვითიზოლაცია მოეხსნა 837 მოქალაქეს. ხოლო რაც შეეხება ანალიზებს, გუშინ გაგზავნილი 16-ივე ანალიზის პასუხი არის უარყოფითი. ინფორმაცია ამის შესახებ მედიას სამეგრელო-ზემო სვანეთის გუბერნიიდან მიაწოდეს.სახელმწიფო რწმუნებულის განცხადებით, სასაფლაოების დახურვის შემდეგ, ტერიტორიაზე შესვლის კუთხით რაიმე სახის სამართალდარღვევა არ დაფიქსირებულა.  გუშინ კი რეგიონის მასშტაბით საგანგებო რეჟიმით დადგენილი მოთხოვნების დარღვევისთვის 7 პირი დაჯარიმდა, მათ შორის ერთ სატრანსპორტო საშუალების გადაადგილების წესის დარღვევისთვის, მეორე კი საკომენდანტო  საათის დროს გადაადგილების წესის დარღვევისთვის.