ზუგდიდში, თაბუკაშვილის ქუჩაზე დევნილთა ჩასახლებაში აფხაზეთის მთავრობის მიერ ორგანიზებული სააღდგომო ნობათი დაარიგეს. დევნილები პროდუქტის სიმცირეს აპროტესტებდნენ და მათთვის მიტანილი 10 ცალი კვერცხი და ერთი პასკა ნაწილმა იქვე დაყარა. მრავალშვილიანი ოჯახების წევრები ამბობენ, რომ ისინი სააღდგომოდ მრავალფეროვან კალათას ელოდნენ, რადგან მკაცრი რეგულაციების გამო ოჯახებმა სამსახურები დაკარგეს და შემოსავლების გარეშე დარჩნენ. პროდუქტების დარიგება რეგულაციების დარღვევით მიმდინარეობდა, რაზეც ჰუნანიტარული აქციის ერთ-ერთმა პასუხისმგებელმა პირმა მურმან მალაზონიამ განაცხადა, რომ თავიდან დაცული იყო დისტანცია, თუმცა შემდეგ ცოტა აირია, თუმცა, ამაში დიდ პრობლემას ვერ ხედავს.