ზუგდიდის ინფექციური საავადმყოფო უკვე რამდენიმე წუთის წინ დატოვა ნომერ პირველმა პაციენტმა. 67 წლის მამაკაცი, რომელსაც Covid 19 დაუდასტურდა, საბოლოოდ გამოჯანმრთელებულია. ის ზედაეწერში, საკუთარ სახლში თვითიზოლაციაში გადავიდა.
მამაკაცს კორონავირუსი 25 მარტს დაუდგინდა, მას თურქეთში მოგზაურობის ისტორია აქვს. ინფექციურ საავადმყოფოში მოხვედრამდე ის სახლში იყო და თვითიზოლაციის წესებს ჯანდაცვის რეგიონული ორგანიზაციის მითითებით და მეთვალყურეობის ქვეშ იცავდა.