ზუგდიდის ივერიის ყოვლადწმინდა ღვთისმშობლის სახელობის მშენებარე საკათედრო ტაძარში ხარების დღესასწაულთან დაკავშირებით საზეიმო წირვა ზუგდიდისა და ცაიშის მიტროპოლიტმა გერასიმემ ჩაატარა. ტაძარში წირვა ჩვეულ რეჟიმში ჩატარდა და მრევლი დისტანციის დაცვით იდგა. წირვის ბოლოს კი მრევლს ტკბილეული დაურიგეს. მრევლი ერთი კოვზიდან აზიარეს.
თუ, როგორ ჩატარდება ზუგდიდის ეპარქიაში სააღდგომო დღესასწაული, ამაზე მეუფე გერასიმე პატრიარქის ლოცვა-კურთხევას ელოდება და მრევლს მოუწოდებს, გაითვალისწინონ მთავრობის რეკომენდაციები.
შეგახსენებთ, რომ პრემიერ-მინისტრის განცხადებით, ქვეყნის მასშტაბით 30 მარტიდან კომენდანტის საათია გამოცხადებული, 21:00 საათიდან, დილის 6:00 საათამდე ტრანსპორტის და ქვეითად მოსიარულეთა გადაადგილება იკრძალება.