ზუგდიდის ინფექციური საავადმყოფოს ახალ პაციენტებს covid 19 არ დაუდასტურდა. ამის შესახებ ინფორმაცია ჟურნალისტებს საავადმყოფოს პრესსამსახურმა მიაწოდა. ზუგდიდის ინფექციურ საავადმყოფოში შემოყვანილი სამი მამაკაციდან ერთ-ერთი საკარანტინო ზონაში დაბრუნდა, ორი პაციენტი კი ადგილზე დარჩა. სამივე მამაკაცი ზუგდიდელია და მათ კავშირი ჰქონდათ სოფელ ლიაში 28 მარტს სტუმრად მყოფ სპორტსმენთან,რომელსაც თბილისში ახალი კორონავირუსი დაუდასტურდა.