ზუგდიდის ინფექციურ საავადმყოფოში მკურნალობას განაგრძობს ხუთი პაციენტი, მათ შორის ორი, რომელთაც კორონავირუსი უკვე დაუდასტურდათ. ხუთივე პაციენტის მდგომარეობა სტაბილურია – ამის შესახებ ინფორმაცია ჟურნალისტებს ზუგდიდის ინფექციური საავადმყოფოს ინფექციონისტმა ლალი დარახველიძემ განუცხადა. რაც შეეხება შუახნის მამაკაცს და ორ მცირეწლოვანს, გალის რაიონის სოფელ საბერიოდან, მათი ბიოლოგიური მასალა გადაგზავნილია ლუგარის ლაბორატორიაში და პასუხს ელოდებიან.
ამ დროისთვის, ზუგდიდის ინფექციურ საავადმყოფოში კორონავირუსის დიაგნოზით 2 ადამიანი მკურნალობს.