საქართველოში საგანგებო მდგომარეობის გამოცხადების მიუხედავად ხობის რაიონში ქარიატაში, მაინც მინდინარეობის ხეების ამორგვითი სამუშაოები. ხობის თვითმართველობაში აცხადებენ, რომ სოფელ ქარიატაში მიმდინარე სამუშაოები ინფრასტრუქტრული პროექტების ნაწილია და ის კანონის დაცვით მიმდინარეობს. თუმცა ამორგვით სამუშაოებში მონაწილეობას იღებს კომპანია „ურეკი რეზიდენტი“ რომელიც საკორდინაციო საბჭოს მიერ ნებადართული კომპანიების სიაში არ არის. ამ თემასთან დაკავშირებით სამეგრელო-ზემო სვანეთის გუბერნატორმა ალექსანდრე მოწერელიამ განაცხადა, რომ რეგიონში ბევრი კომპანიაა დასაქმებული, ამიტომ ერთ დღეში ამათი ყველას მონაცემების მოპოვება, თუნდაც სიების შეუძლებელია, ამიტომ იმ კომპანიებს, რომლებიც ფუნქციონირებენ დამატებით აწვდიან შტაბს სიებს და ეს არის მუშა პროცესი, რომელიც მუდმივ რეჟიმში გრძელდება.
საქართველოს მთავრობის განკარგულებით და ეკონომიკის მინისტრის განცხადებით, კორონავირუსის გამო საგანგებო მდგომარეობის შეზღუდვები არ შეხებია ინფრასტრუქტურული პროექტების განხორციელებას, თუმცა დაცული უნდა იყოს სანიტარულ-ჰიგიენური ნორმები.