საზოგადოებრივი ჯანდაცვის რეგიონული ცენტრის ხელმძღვანელის ნანა ოდიშარიას ინფორმაციით, ამ დროისათვის, სამეგრელოს რეგიონში თვითიზოლაციაში 266 ადამიანია, ხოლო 46 ადამიანი მოიხსნა თვითიზოლაციიდან ვადის ამოწურვის გამო. საკარატინო ზოლში იმყოფება – 47 ადამიანი, საიდანაც 16 გადაყვანილ იქნა ადგილობრივი რეგიონიდან. გუშინ თვითიზოლაციის წესების დარღვევის გამო 5 პირი იქნა გადაყვანილი საკარანტინო ზოლში, 1 – ზუგდიდიდან, 2 მესტიიდან და 2 ფოთიდან. ოდიშარიას თქმით, კარანტინში მყოფ პირებს არ აღენიშნებათ ახალი კორონავირუსისთვის დამახასიათებელი კლინიკური ნიშნები. საკარანტინო ზოლში იმყოფებიან ის ადამიანები, რომლებმაც დაარღვიეს თვითიზოლაციის წესები ან რომელთაც არ გააჩნიათ თვითიზოლაციის პირობები. სამეგრელოში ახალი კორონავირუსის სიმპტომებით არც ერთი პაციენტი არ წევს. ამ დროისათვის საქართველოში კარანტინის რეჟიმში – 1966, ხოლო სტაციონარში მეთვალყურეობის ქვეშ – 259 ადამიანი იმყოფება