ზუგდიდის მუნიციპალიტეტის მერმა ჟურნალისტებს კორონავირუსთან დაკავშირებით მუნიციპალიტეტში არსებულ ვითარებაზე ინფორმაცია მიაწოდა. გიორგი შენგელიას თქმით, საკვები პროდუქტების მხრივ ქალაქში მდგომარეობა სტაბილურია და პანიკის საფუძველი არასრებობს.
ზუგდიდის მერმა პრემიერ მინისტრის მიერ დღეს მიღებულ გადაწყვეტილებაზეც ისაუბრა და განაცხადა, რომ საქალაქთაშორისო ტრანსპორტით მოძრაობა შეიზღუდება, თუმცა მერია მუნიციპალური ტრანსპორტით გარკვეული ზომების გატარებას აპირებს.
მერის თქმით, დღეს საღამოს დეზინფექცია ჩაუტარდება ცენტრალურ ბაზარს, ასევე მრავალბინიან კორპუსებს და დევნილთა ჩასახლებებს. კორონავირუსის საფრთხის გამო ზუგდიდში თვითიზოლაციაში 20 ადამიანი იმყოფება. გიორგი შენგელიამ მოუწოდა მოქალაქეებ პასუხისმგებლობით მოეკიდონ მთავრობის მიერ გაცემულ რეკომენდაციებს, მან ასევე მადლობა გადაუხადა ყველა იმ ადამიანს ვინც ჩართულია კორონავირუსის წინააღმდეგ ბრძოლაში.