დემოკრატიული ჩართულობის ცენტრში ჩატარდა საქართველოს სკაუტური მოძრაობის, სამეგრელოს ორგანიზაციის საჯარო შეხვედრა, სადაც განხილული იყო საქართველოს სკაუტური მოძრაობის საქმიანობა, მათი მიზნები, სამეგრელოს სკაუტური ორგანიზაციის მიერ განხორციელებული პროექტები და ახლო მომავალში დაგეგმილი ღონისძიებები. საქართველოს სკაუტური მოძრაობის სამეგრელოს ორგანიზაცია 20 ივლისს იწყებს მასშტაბური პროექტის განხორციელებას, სადაც ჩართული იქნება 100-ზე მეტი აქტიური ახალგაზრდა სამეგრელოდან. სკაუტური ბანაკი ,,ავატარი“ მოიცავს ბანაკის ჩატარებას ორ ნაკადად, სადაც მონაწილეები გაიღრმავებენ ცოდნას და გამოცდილებას ლიდერობის, გუნდური მუშაობის და სკაუტინგის შესახებ.