დემოკრატიული ჩართულობის ცენტრში, ქალთა დღესთან დაკავშირებით, სხვადასხვა სფეროში მომუშავე დევნილ ქალებთან გაიმართა შეხვედრა თემით – „ომი და ქალი“. შეხვედრაში ასევე მონაწილეობას იღებდნენ დევნილთა თემებზე მომუშავე ორგანიზაციის წარმომადგენლებიც. მათ ერთმანეთს გაუზიარეს ის მოკლე ისტორიები და ეპიზოდები  რაც   ომის პერიოდში გადახდათ. შეხვედრის მონაწილეებმა  მოუწოდეს სხვა დევნილ ქალებსაც, რომლებსაც შესწევთ უნარი და აქვთ საშუალება, ხშირად გამართონ მსგავსი შეხვედრები ომგამოვლილ ქალებთან  და გაცვალონ ერთმანეთთან ისტორიები და მოსაზრებები.