ზუგდიდის მუნიციპალიტეტის სოფელ ზედაეწერში ძლიერი ხანძარი იყო. ცეცხლი ათეულობით ჰექტარზე ეკალ-ბარდებს ქარის გამო მოედო, ცეცხლი გადაედო ქარსაცავ ზოლს, ასევე თხილნარსაც, წიწვოვან ხეებსა და ჩაის პლანტაციებს. ამ დროისთვის ცეცხლი თითქმის ლოკალიზებულია, უსაფრთხოების მიზნით გადაკეტილია ზუგდიდი-ჯვარი-მესტიის ცენტრალური მაგისტრალი, სადაც გზის სავალ ნაწილთან წიწვოვან ხეებს ცეცხლი ეკიდა. მოსახლეობა სამაშველო ჯგუფებთან ერთად ებროდა სტიქიას.
ამ დროისათვის, დასავლეთ და აღმოსავლეთ საქართველოში დაფიქსირებული ხანძრის კერების უმრავლესობა ლოკალიზებულია, რამდენიმე კერაზე კვლავ რჩებიან მეხანძრე მაშველები.