სამეგრელო-ზემო სვანეთში თვითიზოლაციაში 10 ადამიანი იმყოფება. საზოგადოებრივი ჯანდაცვის ცენტრის რეგიონული ხელმძღვანელის ნანა ოდიშარიას თქმით იტალიიდან ჩამოსული ადამიანები თვითიზოლაციას ზუგდიდში, სენაკსა და წალენჯიხაში გადიან.
რაც შეეხება მესტიაში თვითიზოლაციაში მყოფ 4 ტურისტს, მათ ქვეყანა უკვე დატოვეს.
ახალი კორონავირუსის სიმპტომებით სამეგრელოში არც ერთი პაციენტი არ წევს. ეტაპზე საქართველოში კარანტინში რჩება 178 ადამიანი, ხოლო სტაციონარში, მეთვალყურეობის ქვეშ იმყოფება – 56 პირი.